Ma’lumki, 2023-yil 30-aprel kuni o‘tkazilgan referendum natijalariga ko‘ra  2023-yil 1-may kuni O‘zbekiston Respublikasining “O‘zbekiston Respublikasi Konstitusiyasi to‘g‘risida” O‘RQ-837-son Konstitutsiyaviy Qonuni qabul qilindi.

Shu munosabat bilan 2023-yil 19-may kuni Bilim va malakalarni baholash agentligida xodimlarni O‘zbekiston Respublikasi Konstitutsiyasiga kiritilgan o‘zgarishlardan xabardor qilish hamda uning mazmun-mohiyatini tushuntirish maqsadida davra suhbati tashkil etildi.

Unda Toshkent davlat yuridik universiteti Ma’muriy va moliya huquqi kafedrasi o‘qituvchisi Aktam Normurodov ishtirok etib, ishtirokchilarga Konstitutsiyaga kiritilgan o‘zgarishlar bo‘yicha ma’lumot berdi.

Ochiq muloqot shaklida o‘tgan tadbir davomida xodimlar o‘zlarini qiziqtirgan savollarga javob oldi.