Ministrler Kabinetiniń «Ózbekstanda intalı jaslardı sıylıqlaw hám materiallıq xoshametlew haqqında»ǵı 2008-jıl 13-oktyabrdegi 226-sanlı qararınıń ekinshi hám úshinshi qosımshalarında Ózbekstan Respublikası Prezidentiniń mámleketlik stipendiyasına talabanlar ushın test sınaqların tapsırıw belgilengen.

Usı maqsette 2022-jılı 8-fevral kúni Mámleketlik test orayında Ózbekstan Respublikası Prezidentiniń mámleketlik stipendiyasına talabanlar ushın test sınaqları shólkemlestirildi.

Test sınaqlarında bakalavriat hám magistratura basqıshlarında bilim alıp atırǵan 175 talabannan 170 talaban qatnastı.

Bunda talabanlardıń shet tilleri (inglis, nemis, francuz), informaciyalıq texnologiyalar hám Ózbekstan tariyxı pánleri boyınsha bilimi sınaqtan ótkerildi.  

Nátiyjeler esaplanıp bolınǵannan soń Joqarı hám orta arnawlı bilimlendiriw ministrligine beriledi.