Ministrler Kabinetiniń 2017-jıl 14-noyabrdegi 914-sanlı qararında Ózbekstan jaslar awqamınıń belsendi aǵzalarına usınısnamalar beriliwi hám bilimlendiriw mekemelerine imtiyazlı qabıllanıwı belgilengen.

Bul qararǵa muwapıq:

• usınısnamalar Ózbekstan jaslar awqamı sistemasındaǵı sárdarlarǵa, baslanǵısh shólkemlerdegi baǵdar jetekshilerine, eki jıllıq miynet stajına iye bolǵan pidáyı jaslarǵa beriledi;
• usınısnamalarǵa iye bolǵan jaslar turaqlı jasaw ornınadaǵı joqarı bilimlendiriw mekemeleriniń pedagogikalıq bilimlendiriw baǵdarlarına tańlawdan tısqarı test sınawlarısız hám kásiplik (dóretiwshilik) imtixanlarsız mámleketlik grantları tiykarında oqıwǵa kiriw imtiyazına iye boladı;
• usınısnamalar Qaraqalpaqstan Respublikası, wálayatlar hám Tashkent qalasınıń bir aǵzasına (jámi 14) beriledi.

Talabanlar usınısnamaǵa iye bólıw ushın tómendegi úsh basqıshta tańlap alınadı:

• 1-basqısh — Ózbekstan Respublikasınıń rayon hám qalalarında rayon (qala) komissiyası tárepinen ámelge asırıladı.
• 2-basqısh — Qaraqalpaqstan Respublikası, wálayatlar orayları hám Tashkent qalasında aymaqlıq komissiya tárepinen ámelge asırıladı.
• 3-basqısh — juwmaqlawshı basqısh bolıp, respublika komissiyası tárepinen ámelge asırıladı.

Respublika komissiyası tańlawı nátiyjelerine qarap Qaraqalpaqstan Respublikası, wálayatlar hám Tashkent qalasınıń bir (jámi 14) eń múnásip jaslar dizimin tastıyıqlaydı hám 10 kún múddette Ózbekstan Respublikası bilimlendiriw mekemelerine oqıwǵa qabıllaw boyınsha mámleketlik komissiyasına taqdimnoma kiritedi.

Usınısnama tek berilgen jıl ushın ámel etedi.

Usınısnamalar Ózbekstan Respublikasında jaylasqan shet el joqarı bilimlendiriw mekemelerine ámel etilmeydi.

Tiykar:Ministrler Kabinetiniń 2017-jıl 14-noyabrdegi 914-sanlı qararı.

Mámleketlik test orayı xabar xızmeti