2019-yil 22-iyul kuni soat 14.00 da Davlat test markazi direktori Karimov Madjit Malikovich Xalqaro press klub tomonidan yo‘lga qo‘yilgan “Оnlayn intervyu” loyihasida ishtirok etdi va ijtimoiy tarmoqlar, blogerlar tomonidan berilgan barcha savollarga batafsil javob berdi. Shuningdek, kunning ikkinchi yarmida soat 18.00 da kun.uz veb-sayti muxbiri bilan uchrashuv o‘tkazildi. Intervyu jarayoni Davlat test markazida tashkil etildi. 

Har ikki tadbir davomida Davlat test markazi faoliyatiga doir jamoatchilikni qiziqtirgan barcha savollar, xususan, oldingi yillarda kuzatilgan salbiy stereotiplar, joriy yilda yo‘lga qo‘yilgan yangilik, o‘zgarish, imtiyoz va imkoniyatlar, so‘nggi tayyorgarlik jarayonlari, sohadagi yutuq va kamchiliklar, kelgusi rejalar to‘g‘risida savol-javob bo‘lib o‘tdi.
 

Axborot xizmati