2021-yil 23-aprel kuni soat 15:00 dan 16:00 ga qadar Davlat test markazining telegramdagi rasmiy kanali orqali oliy ta’lim muassasalariga kirish test sinovlari bo‘yicha ochiq muloqot o‘tkaziladi.

Ochiq muloqot telegramning ovozli chat funksiyasidan foydalangan holda tashkil etiladi.

Ochiq muloqot davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin bo‘ladi.

Savollarga Davlat test markazi mutaxassislari tomonidan to‘liq javob beriladi.

Ochiq muloqotda ishtirok etish uchun Davlat test markazining rasmiy telegram kanaliga a’zo bo‘lishni unutmang: https://t.me/dtmuzb.

Ovozli chat funksiyasi ishlashi uchun telegramning oxirgi versiyasi bo‘lishi lozim. Agar sizda telegramning oxirgi versiyasi o‘rnatilmagan bo‘lsa, dasturni yangilab olishni unutmang.

Davlat test markazi matbuot xizmati