Mámleketlik test orayı hám “Oxford University Press” wákilleri ortasında ushırasıw bolıp ótti.

Ushırasıwda “Oxford University Press” tárepinen “EDU Press” qánigelestirilgen kitap dúkanı direktorı, rásmiy distributor Mirlan Ashimkanov hám de Oraylıq Aziya hám Jaqın Shıǵısta regionallıq rawajlanıw boyınsha menejer Asel Baybatirova qatnastı.

Mámleketlik test orayı tárepinen director orınbasarı K.Xakberdiyev, Shet tilin biliw hám iyelew dárejesin bahalaw basqarması baslıǵı S.Radjabov, Shet tilin biliw dárejesiniń pedagogikalıq ólshewlerdi rawajlandırıw bólimi baslıǵı E.Urayeva, bolimniń bas qánigesi A.Aladina qatnastı.

K.Xakberdiyev Mámleketlik test orayı xızmeti haqqında qısqasha toqtalıp, Mámleketlik test orayı tárepinen ótkerilgen testler, test sınawlarındaǵı jańalıqlar, procestin sapası, ashıqlıǵı hám obyektivligin arttırıw maqsetinde Ózbekstan Respublikası Prezidentiniń baslaması menen ámelge asırılǵan test sınawlarındaǵı ózgerisler haqqında aytıp berdi.

S.Radjabov Shet tilin biliw hám iyelew dárejesin bahalaw basqarması xızmti, shet tilin biliw dárejesin bahalawshı Milliy test sisteması haqqında aytıp, Oksford universiteti menen birge islesiw múmkin bolǵan baǵdarlarına toqtaldı.

Asel Baybatirovanıń sózerine kóre, “Oxford University Press” 15 ten zıyat mámleketlerde akkreditaciyadan ótken sınaw oraylarına iye hám Ózbekstan mámleketlik jáhán tileri universiteti, Ózbekstandaǵı Yodju texnika institutı sıyaqlı 100 ge jaqın bilimlendiriw mekemeleri menen birge islesedi.

Ushırasıwda basqarma xızmetkerleriniń tájiriybesin arttırıw salasında birge islesiw jobaları, sonday-aq, Mámleketlik test orayında test sınawların ótkeriw imkaniyatları boyınsha pikir alısıwlar boldı.

Mámleketlik test orayı xabar xızmeti