2021-jıl 9-fevral kúni Qashqadárya wálayatında bolıp ótti.

Mámleketlik test orayı direktorı orınbasarı Radjabov Sardor Baxtiyorovich basshılıǵında Mámleketlik test orayınıń Qashqadárya wálayatı bólimi xızmetkerleri menen Koson qalasındaǵı 8-sanlı muzıka hám kórkem-óner mektebinde shólkemlestirilgen ilajda ulıwma bilim beriw mekteplerdiń basshıları, oqıtıwshılar, oqıwshılar hám de olardıń ata-anaları qatnastı.

Kóhpeli qabıllawda tiykarǵı itibar Ózbekstan Respublikası Prezidenti, Ministrler Kabinetiniń bilimlendiriw mekemelerine oqıwǵa qabıllaw test sınaqlarınıń ádalatlıǵı hám ashıqlıǵın támiyinlew, test tapsırıwshılar ushın jáne de keń shárt-sharayatlar hám imkaniyatlar jaratıw boyınsha qabıl etilgen párman hám qararlardıń mazmun mánisin túsindiriwge qaratıldı.  

Sonıń menen birge ámeldegi jılda joqarı bilimlendiriw mekemeleriniń bakalavriat bilim baǵdarlarına qabıllaw test sınaqların ápiwayılastırıw, test sınaqların ótkeriw boyınsha kiritilip atırǵan ózgeris hám jańalıqlar, tiyisli ministrlik hám organlar menen birgelikte bul baǵdarda ámelge asırılıp atırǵan islerdiń mánisi hám usı sıyaqlı máselelerge qızıǵıwshılıq joqarı boldi.

Bunı sózge shıqqan pedagoglar, oqıtıwshılar hám oqıwshılardıń múrájatları mazmunınan hám sanınan ańlaw múmkin.

Mámleketlik test orayı xabar xızmeti