O‘zbekiston Respublikasi Vazirlar Mahkamasi huzuridagi Davlat test markazi direktor o‘rinbosari Batirov Sherzod Negmuratovich rahbarligida Markaz faoliyatiga oid masalalar yuzasidan jismoniy va yuridik shaxslarning murojaatlarini shaxsan ko‘rib chiqish bo‘yicha Qoraqalpog‘iston Respublikasi va Xorazm viloyatida sayyor qabul o‘tkazildi.

Sayyor qabul 2019-yil 17-oktabr kuni Qoraqalpog‘iston Respublikasi Nukus shahrida QQDU akademik litseyi binosida 250 dan ortiq fuqarolar (o‘quvchilar, o‘qituvchilar va ota-onalar) ishtirokida, 18-oktabr kuni Xorazm viloyati Urganch shahrida joylashgan Axborot va kompyuter texnologiyalari kollejida 80 dan ziyod abituriyentlar, pedagog kadrlar va ota-onalar ishtirokida bo’lib o’tdi.

Uchrashuvlar ochiq muloqot tarzida o‘tkazilib, unda Oliy ta’lim muassasalariga kirish test sinovlaridagi o’zgarishlar va yangiliklarga alohida e’tibor qaratildi.

Jumladan, O‘zbekiston Respublikasi Prezidentining 2019-yil  14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-4319-son qarori bo'yicha atroflicha ma’lumotlar berildi.

Davlat test markazi matbuot xizmati