2019 yil 2 mart kuni Qoraqalpog‘iston Respublikasi Vazirlar Kengashining kichik majlislar zalida “Elimizda yoshlarni qo‘llab-quvvatlash sohasida amalga oshirilayotgan chora-tadbirlarning mazmun-mohiyati” mavzusiga bag‘ishlangan matbuot anjumani bo‘lib o‘tdi. U Qoraqalpog‘iston Respublikasi Vazirlar Kengashi tomonidan tashkil qilingan bo‘lib, ommaviy axborot vositalari rahbarlari va xodimlari, oliy ta'lim muassasalaridan vakillar, Jurnalistika fakulteti talabalari va jurnalistlar hamda Davlat test markazining Qoraqalpog‘iston Respublikasi bo‘limi xodimlari ishtirok etdilar.

Matbuot anjumanida Davlat test markazining Qoraqalpog‘iston Respublikasi bo‘limi boshlig‘i M.Abdullaev “Yoshlar va ta'lim, sohadagi so‘nggi o‘zgarishlarning mazmun-mohiyati” mavzusida ma'ruza qildi. M.Abdullaev ma'ruzasida yoshlarga yaratilayotgan imkoniyat va imtiyozlar bilan birga, joriy yilda kirish test sinovlaridagi yangiliklar, berilayotgan imkoniyat va imtiyozlar, shuningdek, hujjat topshirishdagi yaratilayotgan qulayliklar va o‘zgarishlarga alohida e'tibor qaratdi.

Ishtirokchilar tomonidan berilgan savollarga atroflicha javoblar berildi. Tadbir ochiq muloqot tarzida o‘tdi. Yakunda bunday tadbirni yoshlar, ommaviy axborot vositalari ishtirokida har oyda o‘tkazib turish belgilandi.

Davlat test markazining 
Qoraqalpog‘iston Respublikasi bo‘limi