Mámleketlik test orayı hákimshiligi tárepinen 2021-jıldıń 1-yarımı ushın belgilengen kóshpeli qabıllawlar ótkeriw jobasına muwapıq Qaraqalpaqstan Respublikası hám wálayatlarda Oray xızmetine tiyisli máseleler boyınsha fizikalıq hám yuridikalıq shaxslardıń múrájatların kórip shıǵıw maqsetinde kóshpeli qabıllawlar shólkemlestiriw dawam etpekte.

Náwbettegi kóshpeli qabıllawlar Mámleketlik test orayı direktorı orınbasarı Radjabov Sardor Baxtiyorovich tárepinen Ándijan hám Namangan wálayatlarında ótkerildi.

Dáslepki kóshpeli qabıllawlar Ándijan wálayatında 28-aprel kúni Buloqboshi rayonındaǵı 3-ulıwma bilimlendiriw mektebi hám Ándijan qalasındaǵı Ándijan mashinasazlıq institutı akademiyalıq liceyinde shólkemlestirildi.

Keyingi kóshpeli qabıllawlar Namangan wálayatında 29-aprel kúni Namangan qalasındaǵı 41-ulıwma bilimlendiriw mektebi hám Namangan rayonındaǵı 26-ulıwma bilimlendiriw mektebinde ótkerildi.

 Jaslar, pitkeriwshi oqıwshılar, oqıtıwshılar, ata-analar hám juwaplı shaxslar qatnasqan bul qabıllawlar Prezidentimizdiń tarawǵa tiyisli qararları, pármanları, “Jaslardı qollap-quwatlaw hám xalıq salamatlıǵın bekkemlew jılı”nda qabıl etilgen Mámleketlik baǵdarlamasınan kelip shıqqan halda kiriw test sınaqlarına tiyisli eń sońǵı jańalıqlar, kútilip atırǵan ózgerisler, test sınaǵı barısın ápiwayılastırıw, test tapsırıwshılar ushın jáne de keńirek imkaniyat, qolaylılıqlarǵa tiykarlanǵan shárt-sharayatlar, logikalıq pikirlewge baǵdarlanǵan test tapsırmalarınan keńirek paydalanıw, ulıwma bilimlendiriw pánlerinen milliy test sistemasın engiziw, sonday-aq, Mámleketlik test orayı xızmetin tártipke salıwshı normativ-huqıqıy hújjetler, qarar joybarlarınıń túsindiriliwi, mazmun-mánisine arnaldı.

Ilajlar dawamında úlken qızıǵıwshılıq penen qatnasqan oqıwshılar, oqıtıwshılar, ata-analar, juwaplı shaxslar hám basqalardıń sorawlarına tolıq juwaplar berildi.

Sonday-aq, kóshpeli qabıllawlar dawamında 24-27-mart kúnleri bolıp ótken shet tilin biliw hám iyelew dárejesin anıqlaw test sınaqlarında B2 tildi biliw dárejesi boyınsha eń joqarı nátiyje kórsetip, Mámleketlik test orayı tárepinen jaslardıń shet tilin úyreniwge bolǵan qızıǵıwın arttırıw hám eń bilimlilerin múnásip sıylıqlaw maqsetinde ótkerilgen tańlaw jeńimpazlarınan birine aylanǵan B.M.Muxtorov planshet hám basqa estelik sawǵalar menen sıylıqlandı.

Mámleketlik test orayı xabar xızmeti