Ózbekstan Respublikası Prezidenti pármanları, qararları hám aymaqlarǵa saparları sheńberinde berilgen tapsırmalardıń orınlanıwın támiyinlew boyınsha orınlarǵa shıǵıp úyreniwler ótkeriw, Mámleketlik test orayınıń Samarqand wálayatındaǵı bólimi tárepinen ámelge asırılıp atırǵan jumıslar jaǵdayın úyreniw, Mámleketlik test orayınıń aldaǵı jobaların ámelge asırıw, sonday-aq, orınlarda fizikalıq shaxslar hám yuridikalıq shaxslardı qabıllaw hám de olardıń múrájatların kórip shıǵıw maqsetinde Mámleketlik test orayı direktorı orınbasarları Radjabov Sardor Baxtiyorovich hám Batirov Sherzod Negmuratovich 2021-jıl 8-aprel kúni Samarqand wálayatında boldı.

Dáslep, Mámleketlik test orayınıń Samarqand wálayatındaǵı bólimi tárepinen ámelge asırılıp atırǵan jumıslardıń jaǵdayı úyrenilip, iskerlik nátiyjeliligin arttırıw, jumıs sapasın jaqsılaw hám ámelge asırılıp atırǵan jumıslardı jedellestiriw ushın tiyisli kórsetpe hám tapsırmalar berildi.

Soń Mámleketlik test orayınıń aldaǵı jobaların ámelge asırıw ushın tiyisli shólkemler hám jergilikli hákimiyat organları menen ushırasıwlar ótkerildi.

Sonday-aq, oray iskerligine tiyisli máseleler boyınsha fizikalıq hám yuridikalıq shaxslardıń múrájatların kórip shıǵıw maqsetinde kóshpeli qabıllaw shólkemlestirildi.

Direktor orınbasarları S.Radjabov hám Sh.Batirov basshılıǵında Mámleketlik test orayınıń Samarqand wálayatındaǵı bólimi tárepinen shólkemlestirilgen kóshpeli qabıllaw  Samarqand ekonomika hám servis institutı akademiyalıq liceyinde 100 nan artıq puqara – jaslar, pitkeriwshi oqıwshılar, oqıtıwshılar hám ata-analar qatnasında bolıp ótti.

Kóshpeli qabıllaw ashıq pikirlesiw túrinde ótkerilip, joqarı bilimlendiriw mekemelerine kiriw test sınaqlarına tiyisli eń sońǵı jańalıqlar, kútilip atırǵan ózgerisler, test sınaǵı barısın ápiwayılastırıw, test tapsırıwshılar ushın jáne de keńirek imkaniyat, qolaylılıqlarǵa tiykarlanǵan shárt-sharayatlar jaratıw, logikalıq pikirlewge baǵdarlanǵan test tapsırmaların qáliplestiriw hám ulıwma bilimlendiriw pánlerinen milliy test sistemasın engiziw, sonday-aq, tarawǵa tiyisli qarar hám pármanlardıń máni-mazmunına baǵıshlandı.

Ilaj dawamında úlken qızıǵıwshılıq penen qatnasqan oqıwshılar, oqıtıwshılar, ata-analar, juwaplı shaxslar hám basqalardıń sorawlarına tolıq juwap berildi.

Sonıń menen birge, usı kúnniń ózinde Ózbekstan Respublikası Prezidentiniń Samarqand wálayatındaǵı Xalıq qabıllawxanasına sapar etilip, Mámleketlik test orayı iskerligi menen baylanıslı bolǵan múrájatlar menen tanısıldı hám olardıń sheshimi boyınsha tiyisli kórsetpe hám baǵdarlar berildi.

Mámleketlik test orayı xabar xızmeti