2021-yilda sayyor qabullar o‘tkazish rejasiga muvofiq Davlat test markazi rahbariyati ishtirokida joylarda sayyor qabullar bo‘lib o‘tmoqda.

Navbatdagi ana shunday tadbirlar Davlat test markazi direktori Karimov Madjit Malikovich tomonidan Qashqadaryo viloyatida o‘tkazildi.

2021-yil 6-dekabr kuni O‘zbekiston Respublikasi Prezidentining Qashqadaryo viloyatidagi xalq qabulxonasi va Qarshi tumanida tashkil etilgan sayyor qabullar ochiq muloqot tarzida o‘tkazilib, mahalla vakillari, bitiruvchi yoshlar, maktab o‘qituvchilari, ota-onalar, viloyat xalq ta’limi boshqarmalari, ta’lim muassasalari rahbarlari ishtirok etdilar.

Qabullar davomida hududlarda fuqarolar, ota-onalar, bitiruvchi sinf o‘quvchilari bilan uchrashuvlar tashkil etildi, muammolar va takliflar joyida o‘rganildi va o‘z yechimini topdi, shuningdek, sohada amalga oshirilayotgan islohotlar va yangiliklar bilan tanishtirib o‘tildi.

Davlat test markazi matbuot xizmati