2021-jıl 23-dekabr kúni Ferǵana wálayatında Mámleketlik test orayı direktorınıń orınbasarı Radjabov Sardor Baxtiyorovich tárepinen náwbettegi kóshpeli qabıllaw ótkerildi.  

Kóshpeli qabıllawlar Ferǵana qalasındaǵı Prezident xalıq qabıllawxanası hám 41-sanlı ayırım pánler tereńlestirilip úyretiletuǵın qánigelestirilgen mámleketlik ulıwma bilim beriw mektebinde shólkemlestirildi.

Ótkerilgen kóshpeli qabıllawlar dawamında puqaralardıń múrájatları tıńlandı hám tarawǵa tiyisli máseleler boyınsha normativ-huqıqıy tiykarlar, bul baǵdarda puqaralardıń huqıqları túsindirildi, jol-jorıqlar, baǵdarlar kórsetildi.

Sonday-aq, sońǵı jıllarda joqarı maǵlıwmatlı kadrlar tayarlaw boyınsha tańlaw túrleri, bilim alıwda bilimlendiriw sisteması rawajlanǵan mámleketler tájiriybesi, abiturient yaki talabalardıń bilimin bahalawdıń zamanagóy forma hám usılları, texnologiyaları haqqında, mámleketimizde joqarı maǵlıwmat alıw ushın jaratılǵan hám jaratılıp atırǵan shárt-sharayatlar, imkoniyat hám jeńillikler haqqında keń maǵlıwmat berildi.  

Qızǵın soraw-juwaplar tárizinde ótken qabıllawlar dawamında qatnasıwshılar ózlerin qızıqtırǵan barlıq sorawlarǵa tolıq hám tiykarlı juwaplar aldı.

Mámleketlik test orayı málimleme xızmeti