Joylarda sayyor qabulllar tashkil etish, muammoni joyida hal etish dolzarb masala bo‘lib bormoqda. Ayniqsa bugungi taraqqiyot davrining keng imkoniyatlar bosqichida.

Mamlakatimizda davlatning asosiy diqqat-e’tiboriga aylanib ulgurgan ta’lim sohasida bu juda katta ahamiyatga ega.

Sohaga oid muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish bo‘yicha Davlat test markazi tomonidan sayyor qabullarga jiddiy e’tibor qaratilmoqda va ularning soni oshirib borilmoqda.

2022-yil 18-may kuni O‘zbekiston Respublikasi Vazirlar Mahkamasi huzuridagi Davlat test markazi direktori Karimov Madjit Malikovich ishtirokida Sirdaryo viloyatida navbatdagi sayyor qabullar o‘tkazildi.

O‘zbekiston Respublikasi Prezidentining viloyatdagi Xalq qabulxonasida hamda Mirzaobod tumani hokimligi majlislar zalida aholi vakillari, yoshlar, maktab bitiruvchilari va ularning ota-onalari uchun tashkil etilgan mazkur tadbirda faoliyatga oid va test sinovlari bilan bog‘liq fuqarolar murojaatlari yuzasidan to‘liq ma’lumot berildi.

Yoshlar ishtirokidagi sayyor qabullar kirish test sinovlariga oid eng so‘nggi yangiliklar, kiritilishi kutilayotgan o‘zgarishlar, test sinovi o‘tkazish jarayonlarini soddalashtirish, test topshiruvchilar uchun yanada kengroq imkoniyat, qulayliklarga asoslangan shart-sharoitlar yaratish, abituriyentlar uchun yaratilgan imtiyoz turlari, mantiqiy fikrlashga yo‘naltirilgan test topshiriqlarini shakllantirish, repetitsion-diagnostik test topshiriqlarining foydali jihatlari to‘g‘risida ochiq suhbat shaklida o‘tdi.

Davlat test markazi axborot xizmati