2021-jıldıń 1-yarımı dawamında kóshpeli qabıllawlar ótkeriw jobasına muwapıq Ózbekstan Respublikası Ministrler Kabineti janındaǵı Mámleketlik test orayı tárepinen orınlarda shólkemlestirilip atırǵan ilajlar dawam etpekte.

Joba sheńberinde 26, 27-yanvar kúnleri Mámleketlik test orayı direktor orınbasarı Radjabov Sardor Baxtiyorovich basshılıǵında usı mekemeniń Buxara hám Sırdárya wálayatındaǵı bólimleriniń xızmetkerleri tárepinen kóshpeli qabıllawlar ótkerildi.

Dáslepki kóshpeli qabıllaw 26-yanvar kúni Buxara wálayatındaǵı Buxara medicina institutı akademiyalıq liceyinde 250 den artıq oqıwshılar hám pán oqıtıwshıları qatnasında bolıp ótti.

Keyingi kóshpeli qabıllaw 27-yanvar kúni Sırdárya wálayatı Aq altın rayonındaǵı Sardoba mádeniyat sarayında usı rayon hákimi D.Fazilov hám wálayat xalıq bilimlendiriw basqarması baslıǵınıń orınbasarı J.Rasulov penen birgelikte ótkerildi. Onda 340 tan aslam puqara – jaslar, oqıwshılar, oqıtıwshılar hám ata-analar qatnastı.

Sonday-aq, usı kúnniń ózinde Mırzabad rayonındaǵı 17-ulıwma bilim beriw mektebinde de 100 den aslam pitkeriwshi oqıwshılar, oqıtıwshılar hám de ata-analar qatnasında kóshpeli qabıllaw ótkerildi. Ilaj usı rayonnıń hákimi J.Yariyev hám wálayat xalıq bilimlendiriw basqarması baslıǵınıń birinshi orınbasarı O.Mirbaratov penen birgelikte ótkerildi.

Ilajlarda joqarı bilimlendiriw mekemelerine kiriw test sınaqlarına tiyisli sońǵı jańalıqlar, kútilip atırǵan ózgerisler, test sınaǵı barısın ápiwayılastırıw, test tapsırıwshılar ushın jáne de keńirek imkaniyatlar, shárt-sharayatlar jaratıw, logikalıq pikirlewge baǵdarlanǵan test tapsırmaların qáliplestiriw hám ulıwma bilimlendiriw pánlerinen milliy test sistemasın engiziw, sonday-aq tarawǵa tiyisli qarar hám pármanlar boyınsha pikirlesildi.  

Ilaj dawamında qatnasıwshılar tárepinen bildirilgen pikir hám usınıslar tıńlandı, sorawlarǵa juwaplar berildi.

Mámleketlik test orayı xabar xızmeti