2020-jıl 9-dekabrden 15-dekabrge shekem Sırdárya wálayatınıń rayon hám qalalarında Mámleketlik test orayınıń Sırdárya wálayatı bólimi tárepinen seminarlar shólkemlestirildi.

Bolıp ótken seminarlarda rayon (qala) xalıq bilimlendiriw bólimi baslıqları, bólim metodistleri, wálayattaǵı ulıwma bilimlendiriw mektepleriniń direktorları, eń aldınǵı shet tili, matematika, ana tili hám ádebiyat, rus tili hám ádebiyat páni oqıtıwshıları qatnastı.

Onda qatnasıwshılar Mámleketlik test orayınıń Sırdárya wálayatı bólimi tárepinen Ministrler Kabinetiniń 2020-jıl 12-oktyabrdegi “Ulıwma bilimlendiriw pánlerin biliw dárejesin bahalawdıń milliy test sistemasın engiziw haqqında”ǵı 646-sanlı qararınıń mazmun-mánisin jetkerip, bul boyınsha Mámleketlik test orayı tárepinen ámelge asırılıp atırǵan jumıslar menen tanıstırıldı.

Sonday-aq qatnasıwshılarǵa shet tilin biliw hám iyelew dárejesin anıqlaw test sınawları, bul test sınawı yanvar ayında aymaqlarda da shólkemlestirilip atırǵanlıǵı, onıń abiturientler hám oqıwshılar ushın qolaylılıqları, olarǵa qanday qosımsha imkaniyatlar beriwi, 23-24-dekabr kúnleri ótkeriliwi jobalastırılǵan shet tilleri oqıtıwshılarınıń bazalıq is haqılarına aylıq ústeme belgilew test sınawları hám inglis tili páni oqıtıwshıları ushın Britaniya Keńesi menen birgelikte shólkemlestirilip kiyatırǵan “Oqıtıwshılar ushın Aptis” test sınawı hám olardıń áhmiyeti haqqında maǵlıwmatlar berildi.

Bunnan tısqarı, yanvar ayınan baslap turaqlı túrde repeticion-diagnostikalıq test sınawları shólkemlestirilip atırǵanlıǵı boyınsha da túsinik hám usınıslar berildi.

Ókterilgen seminarlarda jámi 1600 ge jaqın basshı xızmetkerler hám tiyisli pán oqıtıwshıları qatnastı.

Seminar qatnasıwshıların qızıqtırǵan barlıq sorawlarǵa juwaplar berildi. Kelesi waqıtlarda Mámleketlik test orayı Sırdárya wálayatı bólimi menen birgelikte jumıslardı shólkemlestiriw boyınsha ózleriniń unamlı usınısların bildirdi.

Mámleketlik test orayı xabar xızmeti