Bugun, 29-mart kuni Bilimni baholash agentligi direktori maslahatchisi Shakarov Zoxid Xolboyevich Sirdaryo viloyatida bo‘lib, O‘zbekiston Respublikasi Prezidentining viloyatdagi Xalq qabulxonasida aholi vakillari, yoshlar va maktab bitiruvchilari bilan sayyor qabul o‘tkazdi.

Sayyor qabul, soat 15-00 dan 16-30 gacha bo‘lib, unda Agentlik faoliyati va test sinovlari bilan bo‘g‘liq fuqarolar tomonidan o‘tgan yillarda yo‘llangan murojaatlar soni va mazmuni, murojaatlarning nechtasi ijobiy hal qilinganligi, nechtasiga tushuntirish berilganligi to‘g‘risida ma’lumotlar bilan tanishib, u yerga kelgan bir nechta fuqarolarning murojaatlarini qabul qildi.

Z.Shakarov tomonidan fuqarolarning murojaatlariga mavjud me’yoriy-huquqiy hujjatlar asosida, batafsil javob qaytarildi hamda murojaatchilar tomonidan bildirilgan fikr-mulohazalar va takliflar o‘rganib chiqilishi aytildi.