O‘zbekiston Respublikasi Prezidentining “Sog‘lom turmush tarzini keng tatbiq etish va ommaviy sportni yanada rivojlantirish to‘g‘risida” 2020-yil 30-oktabrdagi PF-6099-sonli Farmonidan kelib chiqqan holda 2021-yil 4-dekabr kuni Davlat test markazida xotin-qizlar o‘rtasida sport musobaqasi o‘tkazildi.

Sport musobaqasi sportning shashka, halqa aylantirish va arqonda sakrash kabi turlari bo‘yicha o‘tkazilib, bir nechta bosqichdan iborat bo‘ldi.

Uchta bosqichda o‘tkazilgan shashka musobaqasida L.Tangriyeva birinchi o‘rinni egallab, musobaqaning mutlaq g‘olibi deb topildi, R.Tasheva ikkinchi va D.Ibragimova uchinchi o‘rinni egalladi.

Musobaqaning halqa aylantirish turida M.Abdullayeva birinchi, G.Yulchiyeva ikkinchi va L.Tangriyeva uchinchi bo‘ldilar.

Shuningdek, arqonda sakrash musobaqasi ham qiziqarli o‘tib, yakunda birinchi o‘rin G.Yulchiyevaga, ikkinchi o‘rin G.Shamshiyevaga, uchinchi o‘rin G.Madraximovaga nasib etdi.

Musobaqa g‘oliblari Davlat test markazi rahbariyati va Markazning Kasaba uyushmasi tomonidan esdalik sovg‘alari va diplomlar bilan taqdirlandilar.

Davlat test markazi matbuot xizmati