O‘zbekiston Respublikasi Prezidentining “Sog‘lom turmush tarzini keng tatbiq etish va ommaviy sportni yanada rivojlantirish to‘g‘risida” 2020-yil 30-oktabrdagi PF-6099-sonli Farmonidan kelib chiqqan holda 2022-yil 24-dekabr kuni Davlat test markazi xodimlari o‘rtasida sport musobaqalari o‘tkazildi.

Sport musobaqalari erkaklar o‘rtasida shaxmat, stol tennisi va turnikda tortilish, ayollar o‘rtasida esa halqa aylantirish va shashka turlari bo‘yicha o‘tkazildi.

Musobaqalar bir necha bosqichda o‘tkazilib, har bir sport turi bo‘yicha g‘olib va sovrindorlar aniqlandi.

Musobaqa g‘oliblari Davlat test markazi rahbariyati va Markazning Kasaba uyushmasi tomonidan esdalik sovg‘alari va diplomlar bilan taqdirlandilar.

Davlat test markazi matbuot xizmati