Joriy yilning 15-martidan 31-mayigacha Toshkent davlat iqtisodiyot universiteti Samarqand filiali 2024/2025-o‘quv yili uchun Germaniya, Latviya va Malayziya davlatlari bilan hamkorlikda bakalavriat ta’lim yo‘nalishlari va magistratura mutaxassisligi bo‘yicha qo‘shma ta’lim dasturlariga qabul e’lon qiladi.

Bakalavriat ta’lim yo‘nalishlari:

Germaniya Federativ Respublikasining Vayenshtefan-Triezdorf amaliy fanlar universiteti bilan hamkorlikda:

“Iqtisodiyot (Oziq-ovqat tizimlarini boshqarish)” qo‘shma ta’lim dasturi (qabul kvotasi – 25 ta). O‘qish muddati 4 yil (2,5+1,5).

Ta’lim tili – O‘zbekistonda o‘zbek tili, Germaniyada nemis tili. Kirish imtihoni fan bloklari: biologiya, matematika, nemis tili.

Latviya amaliy bilimlar va texnologiyalar universiteti bilan hamkorlikda:

“Iqtisodiyot” (Barqaror iqtisodiyot va hududiy rivojlanish) qo‘shma ta’lim dasturi (qabul kvotasi – 25 ta). O‘qish muddati 4 yil (2+2).

“Axborot tizimlari va texnologiyalari (Raqamli boshqaruv va barqaror rivojlanish)” qo‘shma ta’lim dasturi (qabul kvotasi – 25 ta). O‘qish muddati 4 yil (2+2).

Ta’lim tili – O‘zbekistonda o‘zbek tili, Latviyada ingliz tili. Kirish imtihoni fan bloklari: matematika, ingliz tili.

Malayziyaning Linkoln Universitet Kolleji bilan hamkorlikda:

“Raqamli iqtisodiyot (Bachelor in Business Administration)” qo‘shma ta’lim dasturi (qabul kvotasi – 25 ta). O‘qish muddati 4 yil (2+2).

“Buxgalteriya hisobi va audit (Bachelor of Business Administration in Accounting)” qo‘shma ta’lim dasturi (qabul kvotasi – 25 ta). O‘qish muddati 4 yil (2+2).

Ta’lim tili – O‘zbekistonda o‘zbek tili, Malayziyada ingliz tili. Kirish imtihoni fan bloklari: matematika, ingliz tili.

Magistratura mutaxassisligi:

Malayziyaning Linkoln Universitet Kolleji bilan hamkorlikda:

“Iqtisodiyot (Master of Business Administration in Islamic Banking)” qo‘shma ta’lim dasturi (qabul kvotasi – 8 ta). O‘qish muddati 2 yil (1+1).

Ta’lim tili – O‘zbekistonda o‘zbek tili, Malayziyada ingliz tili. Kirish imtihoni fan bloklari: matematika, ingliz tili.

Ushbu qo‘shma ta’lim dasturlarida ta’lim olishni istaganlar Toshkent davlat iqtisodiyot universiteti Samarqand filialining rasmiy veb-sahifasi orqali (www.sbtsue.uz Havola: https://sbtsue.uz/uz/news/view/1715) tegishli ma’lumotlarni kiritishlari va quyidagi hujjatlarning elektron nusxalarini (skanerlangan, fotosurat emas) PDF shaklida yuklashlari talab etiladi.

1. Attestat yoki diplom (magistratura uchun bakalavr diplomi), olingan baholar ilovasi bilan;

2. Milliy pasport yoki ID-karta (bosh sahifasi va turar joyda ro‘yxatga olinganlik belgisi).

Murojaat uchun telefon:

(+998 66) 237 32 00.

(+998 94) 170 70 55.