2019/2020-o‘quv yilida respublikadagi davlat oliy ta’lim muassasalarining bakalavriatiga qabul test sinovlari natijalari asosida tanlovni amalga oshirish bo‘yicha Davlat test markazida olib borilayotgan ishlarga bag‘ishlangan brifing o‘tkazildi.

Tadbir 2019-yilning 21-avgust kuni, soat 15:00 da O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida tashkil etildi. Unda Davlat test markazi bosh boshqarma boshlig‘i Rajabov Barna Jo‘raqulovich, boshqarma boshlig‘i Qo‘chqarov Diyorbek Ulug‘bekovich va Axborot xizmati rahbari Boboyev Orziqul Mirzayevichlar ishtirok etdilar.

Brifing davomida Davlat test markazi tomonidan iyul-avgust oylari davomida o‘tkazilgan oliy ta’lim muassasalarining bakalavriatiga qabul test sinovlariga oid umumiy hamda test natijalari asosida tanlovni belgilangan muddatda o‘tkazish bo‘yicha ayni paytda olib borilayotgan ishlar to‘g‘risida ma’lumotlar taqdim etildi.

Teleradiokanallar, bosma va elektron ommaviy axborot vositalari vakillari, blogerlarning savollariga batafsil javob berildi.

Axborot xizmati