Búgin Mámleketlik test orayında 2020-2021-oqıw jılında joqarı bilimlendiriw mekemelerine kiriw test sınaqları barısınıń talqılanıwına arnalǵan ulıwmalıq jıynalıs bolıp ótti.

Jıynalısta Ózbekstan Respublikası Bas prokuraturası juwaplı xızmetkeri Tursunmetov Murodullo Maxmudjanovich, Joqarı hám orta arnawlı bilimlendiriw ministrligi wákili Mamanazarov Abdusamat Abdusaitovich, Xalıq bilimlendiriw ministrligi wákili Xayitov Nodirbek Sobirjanovich, Mámleketlik test orayı hákimshiligi hám xızmetkerleri qatnastı.

Ilaj dawamında sózge shıqqan Mámleketlik test orayı direktorı M.Karimov hám Bas prokuratura juwaplı xızmetkeri M.Tursunmetovlardıń 2020-2021-oqıw jılında ótkerilgen joqarı bilimlendiriw mekemelerine kiriw test sınaqları  barısı, jetiskenlikler hám kemshilikler haqqında talqılanǵan xabarnaması esitildi. Sonday-aq, unamsız jaǵdaylardıń aldın alıw, bunıń ushın zamanagóy informaciyalıq texnologiyalardı engiziw, arnawlı platforma hám baǵdarlamalar jaratıw isleri boyınsha Mámleketlik test orayında alıp barılıp atırǵan isler haqqında direktor orınbasrı S.Radjabov, bas basqarma baslıǵı F.Mirzayevlardıń esabatı tıńlandı.

Jıynalıs juwmaǵında  Mámleketlik test orayı tárepinen ótkerilip kiyatırǵan test sınaqların ádalatlı, transparetnlik, belgilengen qatań tártip tiykarında ótkeriliwin tolıq támiyinlew maqsetinde jańa texnologiyalardı engiziw, zamanagóy, ańsat hám nátiyjeli forma hám usıllardan paydalanıw, tiyisli ministrlik hám organlar menen birge islesiwdi jedellestiriw, úgitlew jumısların kúsheyttiriwge kelisip alındı.

Mámleketlik test orayı xabar xızmeti