2019/2020-oqıw jılında Mámleketlik test orayında bar bolǵan test tapsırmalarınıń keń jámiyetshilik ushın ashıqlıǵın támiyinlew boyınsha  alıp barılıp atırǵan jumıslarǵa baǵıshlanǵan brifing ótkerildi.

Ilaj 2019-jıl 15-noyabr kúni saat 11:00 de Xabar hám ǵalaba kommunikaciyalar agentliginde shólkemlestirildi. Onda Mámleketlik test orayı qánigeleri Farhod Mirzayev, Jambul Yusupov, Orziqul Boboyev hám Jamshidbek Odilov qatnastı.

Brifing dawamında Mámleketlik test orayı tárepinen usı jılda joqarı bilimlendiriw mekemeleriniń bakalavriat bilimlendiriw baǵdarlarına qabıllaw ushın ótkerilgen test sınawlarında paydalanılǵan test tapsırmaları tiykarında sorawlar toplamları baspadan shıǵarılıp atırǵanlıǵı, usı toplamlar barlıq ulıwma bilim beriw pánleri kesiminde temalarǵa ajıratılǵan halda tayarlanǵanlıǵı, noyabr ayınıń aqırına shekem barlıq aymaqlarǵa tarqatılıwı, keyingi oqıw jılınan járiyalanıp atırǵan májbúriy pánlerge tiyisli qáliplestirilgen test tapsırmaları keń kólemde aprobatciyadan ótkerilgenligi, sonday-aq, test tapsırmalarınıń ashıqlıǵın támiyinlew boyınsha isleniwi jobalastırılǵan hám ámelge asırılıp atırǵan jumıslar haqqında da maǵlıwmatlar berildi. Juwmaǵında jámiyetshilik ushın test tapsırmaları menen tanısıw, pikir-usınıslar bildiriw imkaniyatları jaratılǵanlıǵı atap ótildi.

Ilaj qızıqlı hám qızǵın soraw-juwap tárizinde ótkerilip, teleradiokanallar, baspa hám elektron ǵalaba xabar quralları wákilleri hám de blogerlerdiń sorawlarına juwaplar berildi.

Mámleketlik test orayı xabar xızmeti