2021-yil 24-dekabr kuni Toshkent shahrida navbatdagi TOEFL ITP imtihoni bo‘lib o‘tdi.

Imtihon Davlat test markazidagi test sinovlari o‘tkazish uchun maxsus tayyorlangan xonalarda kompyuterda o‘tkazildi.

Mazkur imtihonning eng ahamiyatli jihati imtihonda ishtirok etgan talabgorlar test sinovi yakunlanishi bilan o‘z natijalarini bilib oldilar.

Keyingi test sinovi 2022-yil 10-yanvar kuni Toshkent shahrida bo‘lib o‘tishi rejalashtirilgan.

Test sinovida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tishlari mumkin.

Davlat test markazi matbuot xizmati