Dekabr oyida bo‘lib o‘tadigan TOEFL ITP imtihoni uchun talabgorlarni onlayn ro‘yxatga olish boshlandi.

Ro‘yxatga olish Davlat test markazining my.dtm.uz sayti orqali 23-dekabrga qadar amalga oshiriladi.

Test sinovi 24-dekabr kuni Tosheknt shahrida Davlat test markazi binosida onlayn tarzda o‘tkaziladi talabgorlar test sinovi yakunlanishi bilan o‘z natijasini bilib oladi.

Imtihondan muvaffaqiyatli o‘tgan talabgorlarga ETS tashkilotining xalqaro sertifikati beriladi.

Talabgorlar quyidagi havola orqali test namunalari bilan tanishishlari va test sinoviga tayyorgarlik ko‘rishlari mumkin: https://www.ets.org/toefl_itp/l1v3_ebook.

Test sinovi uchun to‘lov bazaviy hisoblash miqdorining 3,5 baravarini (945 000 so‘m) tashkil qiladi.

O‘zbekiston Respublikasi Prezidentining 2021-yil 19-maydagi PQ-5117-son qaroriga binoan C1 darajaga to‘g‘ri keluvchi TOEFL ITP sertifikatiga ega bo‘lgan ta’lim muassasalarining xorijiy tillar o‘qituvchilariga ularning bazaviy tarif stavkasiga nisbatan har oylik 50 foiz miqdorida qo‘shimcha ustama beriladi.

Davlat test markazi matbuot xizmati