2021-jıl 23-mart kúni Mámleketlik test orayı tárepinen aprel ayında ulıwma bilimlendiriw pánlerinen test tapsırmaların qáliplestiriw boyınsha ashıq pikirlesiw shólkemlestiriliwi, abiturientler usı tema boyınsha sorawlardı 31-mart kúnine shekem @dtmga_savollar_bot telegram botına jiberiwi múmkinligi haqqında xabar berilgen edi.

Bul múddet dawamında abiturientler hám olardıń ata-anaları tárepinen kóplegen sorawlar kelip tústi.

Usı múnásibet penen 2021-jıl 9-aprel kúni saat 15:00 de Mámleketlik test orayınıń “Youtube”daǵı rásmiy kanalı arqalı ashıq pikirlesiw ótkeriledi. Onda:

• Ulıwma bilimlendiriw pánlerinen test tapsırmaların qáliplestiriw;
• Test tapsırmalarınıń quramalılıq dárejesi;
• 2021-2022-oqıw jılı ushın joqarı bilimlendiriw mekemelerine kiriw test sınaqları boyınsha kelip túsken sorawlarǵa juwaplar beriledi.

Sonday-aq, qatnasıwshılar ózlerin qızıqtırǵan sorawların ashıq pikirlesiw dawamında túsiniklerde qaldırıwı múmkin boladı.

Ashıq pikirlesiw ushın ssılka: https://www.youtube.com/dtmuzb.

Ashıq pikirlesiw waqtı: 2021-jıl 9-aprel saat 15:00.

Mámleketlik test orayı xabar xızmeti