2021-yil 21-may kuni (bugun) soat 15:00 dan 16:00 ga qadar Davlat test markazining telegramdagi rasmiy kanali orqali navbatdagi ochiq muloqot o‘tkaziladi.

Unda umumta’lim fanlarini bilish darajasini baholash milliy test tizimi bo‘yicha batafsil ma’lumot va ishtirokchilarning savollariga mutaxassislar tomonidan javoblar beriladi.

Ochiq muloqot telegramning ovozli chat funksiyasidan foydalangan holda tashkil etiladi va ishtirokchilar qo‘l ko‘tarish funksiyasidan foydalangan holda o‘z savollarini berishlari mumkin bo‘ladi.

Ovozli chat funksiyasi ishlashi uchun telegramning oxirgi versiyasi bo‘lishi lozim. Agar sizda telegramning oxirgi versiyasi o‘rnatilmagan bo‘lsa, dasturni yangilab olishni unutmang.

Davlat test markazi matbuot xizmati