Barǵan sayın túrli oqıw orayları hám saytlar tárepinen diagnostikalıq test xızmeti jolǵa qoyılǵanlıǵı haqqında daǵazalar kóbeyip barmaqta.

Álbette, bunday xızmetlerdiń jolǵa qoyılıwı hám diagnostikalıq test sınaqları ótkeriliwi abiturientler ushın paydalı, eger olar jalǵan maǵlıwmatlarsız, durıs maǵlıwmat bergen halda sapalı shólkemlestirilse.

Biráq, hámme waqıtta da onday emes. Ayırımlar óziniń mápin joqarı qoyǵan halda kóbirek payda alıw maqsetinde Mámleketlik test orayınıń atınan paydalanıwdı hám jalǵan maǵlıwmatlar menen talabanlardıń sanın asırıwdı ádet etip almaqta.

Mine usınday jaǵdaylardan biri Bunker School oqıw orayı menen baqlanıp atır.

Olardıń telegram botı hám administraciyası tárepinen berilgen maǵlıwmatlarda test tapsırmaları Mámleketlik test orayınıń 2022-jılǵı jańa bazasınan alınǵanı aytılıp atır.

Bunker School telegram botı

Bunker School administraciyası

Bıraq bul ulıwma haqiyqatqa durıs kelmeytuǵın, jalǵan maǵlıwmatlar esaplanadı.

Mámleketlik test orayı qánigeleri tárepinen olardıń abiturientlerge berilip atırǵan test tapsırmaları úyrenip shıǵılǵanda tómendegiler anıqlandı:

• Bunker School oqıw orayı tárepinen talabanlarǵa berilip atırǵan test tapsırmaları Mámleketlik test orayınıń @e_dtm_bot telegram botınan alinǵan diagnostikalıq test tapsırmaları esaplanadı;
• bul test tapsırmalarınıń hesh qaysısı 2022-jıl ushın dúzilip atırǵan test tapsırmalarına tiyisli emes;
• Bunker School oqıw orayı tárepinen durıs juwap sıpatında berilip atırǵan test tapsırmalarınıń durıs juwaplarında qáteler bar;
• Bunıń nátiyjesinde test tapsırǵan talabanlardıń jumısları oqıw orayı tárepinen qáte tekserilmekte hám talabanlarǵa nadurıs usınıslar berilmekte.

Mámleketlik test orayı diagnostikalıq test sınaqları boyınsha hesh bir sayt yamasa oqıw orayı menen birge islemeydi.