Baratov Akmal Abdumajitovich – 1969 yilda Jizzax viloyati Baxmal tumanida tug'ilgan. Ma’lumoti oliy, fizika-matematika fanlari nomzodi.

1993 yil Toshkent davlat universitetini tamomlagan. Mehnat faoliyatini 1993 yilda O‘zbekiston Respublikasi Fanlar Akademiyasi Yadro fizikasi instituti katta lobaranti lavozimida boshlagan. Keyinchalik mazkur institutda kichik ilmiy xodim lavozimida ishlagan.

2003-2004 yillarda O‘zbekiston Respublikasi Vazirlar Mahkamasi huzuridagi Davlat test markazi Oliy o‘quv yurti, ta'lim sohasi ilmiy-tadqiqot va malaka oshirish institutlari, pedagog professor o‘qituvchi va rahbar kadrlarni attestasiya qilish bo‘limi eksperti;

2004-2005 Davlat test markazi Xalqaro hamkorlik va ta'lim to‘g‘risidagi hujjatlarni nostrifikasiyalash bo‘limi yetakchi eksperti;

2005-2009 yillarda Davlat test markazi Uzluksiz ta'lim tizimida professor-pedagoglar tarkibini va rahbar xodimlarni attestasiyadan o‘tkazish bo‘limi bosh eksperti;

2009-2011 yillarda Davlat test markazi Uzluksiz ta'lim tizimida kadrlar tayyorlash monitoringini olib borish va sifatini nazarot qilish bo‘limi boshlig‘i;

2011-2013 yillarda Davlat test markazi O‘rta maxsus, kasb-hunar ta'limi tizimidagi ta'lim muassasalarini attestasiyadan o‘tkazish bo‘limi boshlig‘i;

2013-2017 yillarda Davlat test markazi Maktabgacha, umumiy o‘rta va maktabdan tashqari ta'lim muassasalarini attestasiyadan o‘tkazish bo‘limi boshlig‘i v.b., bo‘lim boshlig‘i;

2017-2018 yillarda Davlat test markazi Testologiya va pedagogik o‘lchovlar ilmiy-metodik bo‘limi bosh mutaxassisi;

2018-2019 yillarda Davlat test markazi Testologiya, pedagogik o‘lchovlar va ilmiy-metodik kadrlar tayyorlash bo‘limi bosh mutaxassisi;

2019-2020 yillarda Davlat test markazi Testologiya, pedagogik o‘lchovlar va ilmiy-metodik bo‘limi bosh mutaxassisi, bo‘lim boshlig‘i lavozimlarida faoliyat ko‘rsatgan.

Davlat test markazi direktorining 2020 yil 13 oktyabrdagi 02-163-son buyrug‘iga muvofiq A.A. Baratov Davalat test markazi huzuridagi Ilmiy-o‘quv amaliy markazi davlat muassasasi boshlig‘i lavozimiga o‘tkazilgan.

Davlat test markazi huzuridagi Ilmy-o‘quv amaliy markazi (keyingi o‘rinlarda Ilmiy markaz)ning faoliyatiga umumiy rahbarlik qilish, O‘zbekiston Respublikasi Prezidenti, Vazirlar Mahkamasining qarorlari, Davlat test markazi direktorining buyrug‘i va boshqa qonun hujjatlari bilan Ilmiy markazga yuklangan vazifa va funksiyalarning bajarilishini tashkil etish;

O‘zbekiston Respublikasi Prezidenti va Vazirlar Mahkamasining qarorlari bilan tasdiqlangan Ilmiy markaz faoliyatini yanada takomillashtirish bo‘yicha kompleks dasturlar va tadbirlar ijrosini ta'minlash va chuqur tahlil qilish;

Ilmiy markazning mansabdor shaxslari vakolatlarini belgilash, Ilmiy markazning tegishli boshqarma, bo‘limlari, mansabdor shaxslarining shaxsiy javobgarligi darajasini belgilash;

Ilmiy markazning faoliyatini rejalashtirishni tashkil etish, Ilmiy markazning ish rejasini tasdiqlash, ularning bajarilishi ustidan nazoratni ta'minlash;

Ilmiy markaz xodimlarining malakasini tizimli ravishda oshirishni tashkil etish;

Bo‘linmalar faoliyatining samaradorligi va natijadorligini tizimli ravishda tanqidiy tahlil qilish, bo‘linmalar ish rejalarini tasdiqlash, hisobotlarini eshitish, ularning yakunlari bo‘yicha zarur chora-tadbirlar ko‘rish;

Ilmiy markaz xodimlarini rag‘batlantirish va intizomiy javobgarlikka tortish masalalarini hal qilish, shuningdek, uning egallab turgan lavozimida qolish masalasini ko‘rib chiqish bo‘yicha taklif kiritish, uning shaxsiy javobgarligini oshirish bo‘yicha tizimli chora-tadbirlarni amalga oshirish;

"Korrupsiyaga qarshi kurashish to‘g‘risida"gi O‘zbekiston Respublikasi Qonuni talablariga muvofiq Ilmiy markaz tizimida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

Ilmiy markazning hamda bo‘linmalarining ishlari zamonaviy shakllarda tashkil etilishini ta'minlash;

Jismoniy va yuridik shaxslarning murojaatlarini ko‘rib chiqishga doir samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, "Jismoniy va yuridik shaxslarning murojaatlari to‘g‘risida"gi O‘zbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish.