2021-jılı 28-oktyabr kúni noyabr hám dekabr aylarında bolıp ótetuǵın shet tilin biliw dárejesin bahalaw test sınaqları ushın talabanlardı dizimge alıw baslanǵan edi.

Noyabr ayı ushın talabanlardı dizimge alıw my.dtm.uz saytı arqalı 10-noyabr  kúni (sárshembi) 18:00 ge shekem dawam etedi.

Test sınaqlarında qatnasıwdı qálewshi talabanlar usı múddet dawamında onlayn dizimnen ótip, tólemdi ámelge asırıwları múmkin.

Sonday-aq, talabanlar 10-noyabr kúni 18:00 ge shekem Mámleketlik test orayınıń aymaqlıq bólimleriniń birine shaxsın tastıyıqlawshı hújjet penen barǵan halda barmaq izin tapsırıwları lazım.

Test sınaqları 23-noyabr kúninen baslap, inglis, nemis hám francuz tillerinen B1, B2 hám C1 tildi biliw dárejeleri boyınsha ótkeriledi.

Tildi biliw dárejesi B2 yamasa onnan joqarı bolǵan sertifikatqa iye bolǵan abiturientlerge joqarı oqıw orınlarına kiriwde shet tili páninen imtixanlarsız belgilengen maksimal ball beriledi.

Sonday-aq, oqıw orınlarınıń C1 dárejedegi sertifikatına iye bolǵan shet tilleri oqıtıwshılarına olardıń bazalıq tarif stavkasına salıstırǵanda hár ay 50 procent muǵdarında qosımsha ústeme tólenedi.

Mámleketlik test orayınıń málimleme xızmeti