Abiturientlerdi joqarı oqıw orınlarınıń bakalavriat tálim baǵdarlarına qabıl qılıw Ministrler Kabinetiniń 2017-jıl 20-iyundaǵı 393-sanlı qararı menen tastıyıqlanǵan «Joqarı oqıw orınlarınıń bakalavriatına studentlerdi oqıwǵa qabıl qılıw tártibi haqqında»ǵı” reje tiykarında ámelge asırıladı.

Usı rejege muwapıq studentlikke usınıs etilgen abiturientler joqarı oqıw orınları qabıllaw komissiyasına ulıwma orta bilim (11-klass tiykarında) yamasa orta arnawlı, kásiplik bilimlendiriw oqıw orınların tamamlaǵanlıǵı haqqındaǵı hújjet (qosımshası menen) usınıwı lazım.

Sonday-aq, my.dtm.uz yamasa my.gov.uz saytlarınıń biri arqalı onlayn dizimnen ótken waqtında tamamlaǵan oqıw orınları haqqındaǵı maǵlıwmatlar kiritiliwi lazım.

Mekteplerdiń 10-klassında yamasa akademiyalıq liceylerdiń 1-basqıshında bilim alıp atırǵan oqıwshılar ulıwma orta bilim yamasa orta arnawlı, kásiplik bilimlendiriw oqıw orınların tamamlamaǵan esaplanadı.

Usı sebepli olardıń joqarı oqıw orınlarına kiriw test sınaqlarında qatnasıw ushın onlayn dizimnen ótiwleri múmkin emes.