18-noyabr — O‘zbekiston Respublikasining Davlat bayrog‘i qabul qilingan kun

16-11-2023 | 1804

1991-yil 18-noyabrda qabul qilingan ushbu qonunga ko‘ra, davlat bayrog‘i – O‘zbekiston Respublikasi davlat suverenitetining ramzi bo‘lib, respublikaning milliy-madaniy an’analarini o‘zida mujassamlashtirgandir.

O‘zbekiston Respublikasining Davlat bayrog‘i Birlashgan Millatlar Tashkiloti, davlatimizning xorijiy mamlakatlardagi elchixonalari va vakolatxonalari peshtoqida, sport musobaqalarida, xalqaro anjumanlarda, umuman, xalqaro munosabatlarda O‘zbekiston Respublikasining timsoli bo‘lib xizmat qilmoqda!

Ushbu sana munosabati bilan joriy yil 16-noyabrda Bilimni baholash agentligida tadbir tashkil etildi. Unda Toshkent davlat yuridik universiteti xodimi, yuridik fanlar bo‘yicha falsafa doktori Elyor Rahmatov ishtirok etib, bayroqning davlatchilik ramzi ekanligi, Davlat bayrog‘idan foydalanishda barcha amal qilishi lozim bo‘lgan qonuniy talablar haqida batafsil ma’lumot berdi. Tadbir ishtirokchilarning o‘zaro fikr almashishi, savol-javob tarzida o‘tdi.