2019-2020 o‘quv yili qabul test sinovlari uchun kimyo fanidan test topshiriqlari umumiy o‘rta, o‘rta maxsus, kasb-hunar ta’limi o‘quv dasturlari asosida shakllantirilgan.

Qabul test sinovlari uchun 5 mingdan ortiq turli murakkablik darajasidagi test topshiriqlaridan iborat baza shakllantirilgan. Test topshiriqlari bazasiga kiritilgan savollar xalq ta’limi va o‘rta maxsus ta’limi tizimi mutaxassislari tomonidan uch bosqichli ekspertizadan o‘tkazilgan.

Shuningdek, xatoliklarni oldini olish maqsadida maxsus yopiq rejimda kundalik qo‘llaniladigan barcha fanlardan, jumladan, kimyo fanidan variantlar yana bir ekspertizadan o‘tkazilib, keyin chop etishga berilgan.

Ta’kidlash joizki, kundalik qo‘llaniladigan variantlar test topshiriqlari tafsilotlari asosida shakllantirilgan bo‘lib, variantlarning murakkabligi bir xil bo‘lishiga alohida e’tibor qaratilgan.

Kimyo fanidan test sinovida qo‘llanilgan test topshiriqlari bo‘yicha  murojaatlar ko‘p bo‘lganligi uchun joriy yil 6-avgustda abituriyentlarga berilgan variantlarning biri namuna sifatida sizning e’tiboringizga havola qilinmoqda.  Ushbu namunada test topshiriqlari va ularning yechimi yoritilgan.