O‘zbekiston Respublikasi Prezidenti huzuridagi Axborot va ommaviy kommunikatsiyalar agentligi va Davlat test markazi tomonidan tasdiqlangan MEDIA REJAga muvofiq “2019-2020-o‘quv yilida oliy ta’lim muassasalarining bakalavriat ta’lim yo‘nalishlariga qabul uchun o‘tkazilgan test sinovlari yakunlari: tahlillar, yutuqlar va kamchiliklar, takomillashtirish bo‘yicha rejalar” mavzuida matbuot anjumani bo‘lib o‘tdi.

Anjuman 2019-yilning 30-avgust kuni O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi binosida tashkil etildi. Unda Davlat test markazi direktori Karimov Madjit Malikovich, direktor o‘rinbosari Xakberdiyev Kaxramon Kurbanovich, bosh boshqarma boshlig‘i Rajabov Barna Jo‘raqulovich, boshqarma boshliqlari Zuparxodjayeva Sevar Zakirovna, Qo‘chqarov Diyor Ulug‘bekovich, Eshniyozov Jo‘rabek Jabborovich, bosh mutaxassis Yusupov Azamat Rustamovich, Axborot xizmati rahbari Boboyev Orziqul Mirzayevich hamda fan ekspertlari ishtirok etdilar.

Tadbir davomida Davlat test markazi tomonidan iyul-avgust oylarida o‘tkazilgan oliy ta’lim muassasalarining bakalavriatiga qabul test sinovlari yakuni bo‘yicha umumiy ma’lumotlar, xususan, test sinoviga tayyorgarlik, test sinovi topshirishda abituriyentlar uchun yaratilgan imkoniyatlar, imtiyozlar, o‘zgarishlar, yutuq va kamchiliklar, test natijalari va yakuniy tanlovni e’lon qilish, shuningdek, ijtimoiy tarmoqlarda tilga olingan holatlar, kelgusidagi rejalar bo‘yicha ma’lumotlar taqdim etildi.

Tele va radiokanallar, bosma va elektron ommaviy axborot vositalari vakillari, blogerlarning savollariga batafsil javob berildi. 

Matbuot anjumani qizg‘in musohaba ruhida o‘tdi.

Axborot xizmati