O‘zbekiston Respublikasi Vazirlar Mahkamasi huzuridagi Davlat test markazi direktor o‘rinbosari Batirov Sherzod Negmuratovich rahbarligida Markaz faoliyatiga oid masalalar yuzasidan jismoniy va yuridik shaxslarning murojaatlarini shaxsan ko‘rib chiqish bo‘yicha 2019-yil 17-18 oktabr kunlari Qoraqalpog‘iston Respublikasi va Xorazm viloyatida sayyor qabul o‘tkaziladi.

Fuqarolar Davlat test markazi faoliyatiga oid masalalar yuzasidan quyidagi manzillarga belgilangan muddatlarda murojaat qilishlari mumkin:

Qoraqalpog‘iston Respublikasida – 2019-yil 17-oktabr kuni soat 11:00 da Nukus shahri, Allayor Dosnazarov ko‘chasi, 18A-uy (Qoraqalpoq davlat universiteti akademik litseyi binosi);

Xorazm viloyatida – 2019-yil 18-oktabr kuni soat 11:00 da Urganch shahri, Tinchlik ko‘chasi, 6-uy.

Davlat test markazi matbuot xizmati