2020-yil 4-iyun kuni soat 12:00da O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari Bexzod Musayev rahbarligida 2020-2021-o‘quv yili qabul jarayonini tashkil etish yuzasidan dolzarb vazifalarga bag‘ishlangan onlayn brifing bo‘lib o‘tadi.

Onlayn brifingda Davlat test markazi direktori Madjit Karimov, Oliy va o‘rta maxsus ta’lim vaziri Inomjon Majidov, Xalq ta’limi vaziri Sherzod Shermatov, bir guruh oliy ta’lim muassasalari rektorlari hamda ommaviy axborot vositalari vakillari ishtirok etadi.

Tadbirda 2020-2021-o‘quv yili qabul jarayonini tashkil etish, qabul parametrlari hamda kirish test sinovlarini o‘tkazish bilan bog‘liq barcha savollarga atroflicha javob beriladi.

O‘zbekiston Respublikasi Bosh vaziri o‘rinbosari B.Musayev, Oliy va o‘rta maxsus ta’lim vaziri I.Madjidov, Xalq ta’limi vaziri Sh.Shermatov Farg‘ona davlat universiteti studiyasidan qatnashadilar. Qolgan mutasaddi rahbarlar Toshkent davlat iqtisodiyot universitetida tashkil etilgan auditoriyadan ishtirok etadilar.

Tadbirga mavzu yuzasidan qiziqqan barcha ommaviy axborot vositalari vakillari Toshkent davlat iqtisodiyot universitetiga taklif etiladi.

Eslatma: Brifing ishtirokchilaridan karantin qoidalariga qat’iy rioya qilish, tibbiy niqob taqish va ijtimoiy masofani saqlash so‘raladi.

Davlat test markazi matbuot xizmati