2020-yil 9-iyul kuni soat 16:00 da O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida “Karantin davrida ta’lim tizimidagi cheklovlar, qabul jarayonlari va sohaga oid boshqa o‘zgarishlar”ga bag‘ishlangan brifing o‘tkazildi.

Brifingda Oliy va o‘rta maxsus ta’lim vaziri I.Majidov, Xalq ta’limi vaziri Sh.Shermatov, Maktabgacha ta’lim vaziri A.Shin, Ta’lim sifatini nazorat qilish davlat inspeksiyasi boshlig‘i U.Tashkenbayev va Davlat test markazi direktori M.Karimov qatnashdilar.

Tadbir davomida ishtirok etgan ommaviy axborot vositalari vakillari, blogerlarga Davlat test markazi o‘zining ma’lumotlarini taqdim etdi.

Xususan, bu yil onlayn ro‘yxatdan o‘tayotgan abituriyentlar bo‘yicha oxirgi ko‘rsatkichlar, test sinovlari o‘tkaziladigan 70 ta binoda tayyorgarlik ishlarini 20-iyulga qadar yakunlash rejalashtirilayotganligi, imtihonlar har doimgi shaklda, katta sig‘imli binolarda, sanitariya-gigiyena talablariga qat’iy rioya etilgan holda o‘tkazilishi, davlat oliy ta’lim muassasalarining bakalavriat ta’lim yo‘nalishlariga kirish imtihonlarini o‘tkazish tartibi o‘zgarmaganligi to‘g‘risida axborot berildi.

Birifing yakunida OAV vakillarini qiziqtirgan savollarga javoblar berildi.

Davlat test markazi matbuot xizmati