Davlat test markazi tomonidan 2021/2022-o‘quv yili oliy taʼlim muassasalariga kirish test sinovlarida foydalanilgan test topshiriqlari bazasidan abituriyentlar uchun qulay bo‘lgan test topshiriqlari to‘plamini shakllantirish, chop etish va sotish xizmatlarini amalga oshiruvchi tadbirkorlar bilan hamkorlik uchun quyidagi talablar qo‘yiladi:

• test topshirig‘i materiallarini abituriyentlar foydalanishi uchun qulay tarzda to‘plam shaklida bosib chiqarish;

• test topshiriqlari to‘plamining taboqlari soniga shartnomada aniqlik kiritiladi;

• to‘plam uchun bo‘ladigan buyurtmalarni o‘z vaqtida chop etish va yetkazib berish;

• chop etishda test topshiriqlarining asl holatini saqlab qolish;

• to‘plamda ortiqcha reklama va chalg‘itiuvchi maʼlumotlarning bo‘lmasligi;

• nashriyotda malakali mutaxassis va muharrirlar bo‘lishi lozim;

• kitobning ichki bloki kompyuter sahifalanish jarayoni LATEX dasturida amalga oshirilishi lozim;

• kitoblar uchun muqova dizaynini yaratish buyurtmachi bilan hamkorlikda amalga oshirilishi lozim;

• kitob ishlab chiqarish tashkilotining unumdorligi kuniga kamida 10,000 nusxa bo‘lishi lozim;

• kitobning formati 84x108, 1/16 bo‘lishi kerak;

• kitobning ichki blokini chop etish uchun maketning tayyorlanishi va formalar yasash faqat bajaruvchining tashkilotida tayyorlanishi lozim;

• kitobning ichki blokini chop etish, yig‘ish va kitobning ichki blok bilan qilinadigan jarayonlar faqat bajaruvchining tashkilotida amalga oshirilishi lozim;

• kitob yumshoq muqovada bo‘lishi lozim;

• kitobning muqovasini chop etish uchun maketining tayyorlanishi va formalar yasash bajaruvchining tashkilotida amalga oshirilishi lozim;

• muqovaning chop etilishi uchun bajaruvchining tashkilotida rangli pechat uchun uskunalar bo‘lishi lozim;

• kitobning muqovasi chop etilishi uchun barcha jarayonlar bajaruvchining tashkilotida amalga oshirilish lozim;

• kitobni tayyorlash uchun termokley jarayoni bajaruvchining tashkilotida amalga oshirilishi lozim;

• talabga qarab tiraj soni o‘zgarishi mumkin.

Shartnomaning boshlang‘ich narxi – 700 000 000 so‘mni tashkil qiladi.

Takliflar Davlat test markaziga yuborilishi lozim.

Manzil: 100084, Toshkent shahri,
Bog`ishamol ko`chasi, 12-uy, tel: (+998 71) 235 19 14
 

Eslatma: O’zbekiston Respublikasining 2021-yil 22-apreldagi “Davlat xaridlari to‘g‘risida” O’RQ-684-son qonunining 60-moddasiga muvofiq, tanlov ishtirokchilarining takliflari muhrlangan konvertlarda taqdim etilishi talab etiladi.