2019-jıl 19-21-noyabr kúnleri bolıp ótken Shet tilin biliw hám iyelew dárejesin anıqlaw test sınawlarınan sátli ótken talabanlar óz sertifikatların 4-dekabrden baslap alıwlarına boladı.

Bunda talaban dizimnen ótiw waqtında sertifikattı alıw aymaǵı sıpatında qaysı aymaqtı kórsetken bolsa, sol aymaqta jaylasqan Mámleketlik test orayı yaki onıń aymaqlıq bólimlerinen óz sertifikatların alıwı kerek boladı.

Sertifikattı alıw sıpatında Tashkent qalası yaki Tashkent wálayatın tańlaǵan talabanlar 4-dekabrden baslap Mámleketlik test orayı binasınan, Qaraqalpaqstan Respublikası yaki wálayatlardan birin tańlaǵan talabanlar 6-dekabrden baslap aymaqlardaǵı Mámleketlik test orayı bólimlerinen shaxsın tastıyıqlawshı hújjet penen sertifikatlarlardı alıp ketiwlerine boladı.  

Sertifikat passport kórsetilgende, talabannıń ózine yaki talabannıń notarial tastıyıqlanǵan isenim xatı tiykarında basqa shaxsqa beriledi.

Esletpe: Sertifikatlar jumıs kúnlerinde (dúyshembi, siyshembi, sárshembi piyshembi, juma kúnleri) tarqatıladı. Shembi hám ekshembi kúnleri Mámleketlik test orayı hám onıń aymaqlıq bólimleri ushın dem alıs kúnleri esaplanadı.

Mámleketlik test orayı xabar xızmeti