Belgili bolǵanınday, Ádillik ministrliginiń yuridikalıq texnikumlarına qabıllaw Mámleketlik test orayı tárepinen ámelge asırıladı.

Ámeldegi jılda Ádillik ministrliginiń yuridikalıq texnikumlarına talabanlardı onlayn dizimge alıw 2021-jıl 1-avgusttan baslanadı.

Sonlıqtan Mámleketlik test orayı tárepinen talabanlardı onlayn dizimge alıw sistemasın tayar jaǵdayǵa keltiriw ushın texnikum.dtm.uz saytı test rejiminde iske qosılıp, sınaqtan ótkerilmekte.

Sayt test rejiminde sınaqtan ótkerilip atırǵan waqıtta ayırım puqaralar texnikum.dtm.uz saytı arqalı dizimnen ótiwge háreket etken hám olarǵa tastıyıqlawshı kod ornına “DKnıń 6-sanlı bayanı menen talabalıqqa usınıs etildińiz” degen mazmundaǵı SMS xabar jiberilgen.

Atap ótiw kerek, bul SMS xabar teksti 2020-jılda paydalanılǵan bolıp, texnikum.dtm.uz saytın sınaqtan ótkeriw ushın túrli xabarlar jiberilip, tekserilip kórilip atırǵan waqıtta da paydalanılıp atırǵan bolǵan.

Mámleketlik test orayı xabar xızmeti