Ma’lumki, 2020-yil 2-dekabr kuni O‘zbekiston Respublikasi Prezidentining “Oʻzbekiston Qahramoni va Xalq shoiri Abdulla Oripov tavalludining 80 yilligini keng nishonlash toʻgʻrisida” PQ-4906-son qarori qabul qilingan edi.
Shu munosabat bilan Davlat test markazi hamda O‘zbekiston yozuvchilar uyushmasi hamkorligida O‘zbekiston Qahramoni, Xalq shoiri Abdulla Oripov tavalludining 80 yilligiga bag‘ishlangan adabiy-badiiy tadbir tashkil etildi.
Unda dastlab so‘zga chiqqan O‘zbekiston Yozuvchilar uyushmasi a’zosi, shoira Farog‘at Xudoyqulova Abdulla Oripov shaxsiyati va she’riyati haqida so‘z yuritgan bo‘lsa, Davlat test markazi direktori maslahatchisi Zohid Shakarov Abdulla Oripov hayoti va ijodi haqida ma’lumot berdi.
So‘ngra tadbirning adabiy-badiiy qismiga o‘tilib, ishtirokchilar tomonidan shoir haqida fikrlar bildirildi va Abdulla Oripov she’rlaridan namunalar o‘qildi.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat