20-iyul kuni 2019/2020 o‘quv yili qabuli uchun ro’yxatdan o’tgan va test sinovlarida ishtirok etadigan abituriyentlarga qulaylik yaratish maqsadida Davlat test markazi tomonidan "Abituriyent ruxsatnomasi" va "Abituriyentlarga eslatma"ni onlayn olish imkoniyatini beruvchi ruxsatnoma.dtm.uz sayti yaratilib ishga tushirilgan edi.

Hozirga kelib 738 000 dan ortiq abituriyentlar mazkur sayt orqali "Abituriyent ruxsatnomasi"ni onlayn yuklab oldi.

Eslatib o'tamiz: ruxsatnoma.dtm.uz veb-saytidan ruxsatnoma chiqarib olish imkoniyatiga ega bo’lmagan abituriyentlar kunduzgi ta’lim shakli uchun 23-26 iyul kunlari, sirtqi va kechki ta’lim shakllari uchun 27-29 iyul kunlari quyidagi muassasalarga murojaat etgan holda ruxsatnomalarini olishlari mumkin:
- Davlat xizmatlari markazlari;
- Oliy ta’lim muassasalari qabul komissiyalari;
- Bandlikka ko‘maklashish markazlari.

Ushbu muassasalar xodimlari tomonidan “Abituriyent ruxsatnomasi” abituriyentlarga bepul chop etib beriladi.