Ma’lumki, 2024 – 2025-o‘quv yili qabulida abituriyentlarni onlayn ro‘yxatga olish ikki bosqichda amalga oshirilmoqda. Birinchi bosqichda abituriyentlar fanlar majmuasini, ta’lim tilini, test topshirish hududini (alohida iqtidor talab etiladigan yo‘nalishlarda abituriyentlar ta’lim yo‘nalishi va imtihon topshiradigan OTMni ham) tanlaydi.

Agentlikning my.uzbmb.uz platformasi orqali ro‘yxatdan o‘tishda abituriyentlar uchun fanlar majmuasini tanlashda ta’lim yo‘nalishlarining ham ko‘rsatilishi ular uchun qulaylik sifatida qilingan bo‘lib, abituriyentning fanlar majmuasini tanlashda adashmasligi nazarda tutilgan. Bunda abituriyentning tanlagan ta’limi yo‘nalishi ahamiyat kasb etmaydi.

Test sinovlari yakunlangandan so‘ng ro‘yxatga olishning ikkinchi bosqichi, ya'ni tanlov bosqichida abituriyentlarda fanlar majmuasi bir xil bo‘lgan beshtagacha ta’lim yo‘nalishini tanlash imkoniyati mavjud bo‘ladi.