2020-yil 28-fevral kuni soat 10:00 da O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida dasturiy ta’minot bo‘yicha keyingi o‘zgarishlar, loyihalarga bag‘ishlangan brifing o‘tkazildi.

Tadbirda Davlat test markazidan direktor o‘rinbosari K.Xakberdiyev, bo‘lim boshlig‘i U.Noraliyev, matbuot xizmati rahbari O.Boboyev, bosh mutaxassislar J.Odilov va Sh.Rahmonov hamda OAV vakillari ishtirok etdilar.

Brifing qatnashchilariga joriy yilda Davlat test markazi abituriyentlarga o‘zining rasmiy sayti orqali ro‘yxatdan o‘tish xizmatini joriy qilayotganligi, bunday imkoniyat va qulayliklardan mobil ilovalar orqali ham foydalanish imkoniyati yaratilishi, natijada abituriyentlar uyidan chiqmay ro‘yxatdan o‘tishi mumkinligi, shuningdek, Abitur dasturi test sinovlarida 5 ta fan bo‘lishi munosabati bilan takomillashtirilganligi bo‘yicha ma’lumotlar taqdim etildi.

Bulardan tashqari, e-Sinov, onlayn test, aprobatsiyalarda ishtirok etish uchun ro‘yxatga olish, aprobatsiya natijalarini ko‘rib borish kabi dasturlar taqdimotlar asosida tanishtirildi hamda ishlash tamoyillari, usullari ko‘rsatib o‘tildi.

Brifing davomida jurnalistlarning barcha savollariga batafsil javob berib borildi.

Davlat test markazi matbuot xizmati