Abituriyentlarga ruxsatnomalarni berish boshlandi

09-07-2024 | 4914

2024-2025-o‘quv yilida oliy va professional  ta’lim muassasalariga kirish uchun onlayn ro‘yxatdan o‘tgan abituriyentlarga “Abituriyent ruxsatnomasi”ni berish boshlandi.

Abituriyentlar test sinovlarida ishtirok etish uchun “Abituriyent ruxsatnomasi”ni my.uzbmb.uz sayti orqali shaxsiy kabinetdan yoki my.uzbmb.uz saytidagi “Abituriyent ruxsatnomasi” bo‘limidan (JShShIR, pasport seriyasi va raqamini kiritgan holda) olish mumkin.

Abituriyentlar test sinoviga pasport (ID-karta) va abituriyent ruxsatnomasi bilan belgilangan vaqtdan kechikmagan holda kelishlari lozim.

Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi!