Ma’lumki, oliy ta’lim muassasalarining bakalavriat ta’lim yo‘nalishlariga o‘qishga kirish uchun abituriyentlarni onlayn ro‘yxatga olish Yagona interaktiv davlat xizmatlari portali va Davlat test markazining my.dtm.uz sayti orqali amalga oshirilmoqda.

Davlat test markazi tomonidan my.dtm.uz sayti 2020-yilning oxirida ishga tushganidan bo‘lib, oliy ta’lim muassasalariga qabul boshlanguniga qadar Davlat test markazining ko‘plab xizmatlaridan mazkur sayt orqali foydalanish imkoniyati yaratilgan edi.

Mazkur davr davomida yuz minglab abituriyentlar my.dtm.uz sayti orqali turli xizmatlardan foydalanib keldi.

Hozirda ayrim abituriyentlar my.dtm.uz saytida oldin ro‘yxatdan o‘tgan bo‘lsalarda yangidan ro‘yxatdan o‘tishga harakat qilmoqda.

Abituriyentlarning pasport ma’lumotlari faqat bitta telefon raqamiga biriktirilganligi uchun oldin ro‘yxatdan o‘tgan abituriyentlarga uning pasport ma’lumotlari qaysi telefon raqamiga biriktirilgani ko‘rsatiladi.

Mazkur abituriyentlar my.dtm.uz saytida qayta ro‘yxatdan o‘tishlari shart emas va ular oldin ro‘yxatdan o‘tgan telefon raqami orqali tizimga kirib foydalanishlari mumkin.

Agar abituriyent telefon raqamini yo‘qotib qo‘ygan bo‘lsa va telefon raqamini tiklash imkoni mavjud bo‘lmasa, Davlat test markazi va uning hududiy bo‘limlaridan biriga shaxsini tasdiqlovchi hujjat bilan murojaat qilsa, uning telefon raqami o‘zgartirib beriladi.

Davlat test markazi matbuot xizmati