2024-yil 6-mart kuni Bilimni baholash agentligi direktori Karimov Madjit Malikovich yoshlarga oid davlat siyosati sohasidagi ishlar natijadorligi va yoshlar bilan ishlash samaradorligini oshirish maqsadida Agentlikda faoliyat olib borayotgan yoshlar bilan uchrashdi.

Qayd etish kerakki, uchrashuv ochiq muloqot shaklida har bir yosh xodim bilan individual tarzda suhbatlashgan holda tashkil etildi va uchrashuv davomida yoshlarning faoliyati, o‘z ustida ishlash, soha bo‘yicha malaka oshirish, xorijiy tillarni o‘rganish, ilmiy tadqiqot ishlarini olib borish, sport bilan shug‘ullanish kabi dolzarb masalalar tahlil qilindi.

Unda asosiy e’tibor Agentlik yoshlarining faoliyatini ilmiy izlanish bilan birga olib borish masalasiga qaratildi va Agentlikda bu borada yoshlar uchun barcha zarur shart-sharoit yaratilganligi qayd etildi.

O‘z navbatida, Agentlik direktori yoshlarni muntazam ijtimoiy himoya qilish, sport bilan shug‘ullanishlari uchun qulay sharoit yaratish, shart-sharoitlarni yanada yaxshilash, ayniqsa, ilmiy ishlar bilan shug‘ullanishni muvaffaqiyatli davom ettirish va xorijiy tillarni o‘rganish bo‘yicha doimiy ko‘makka tayyor ekanini bildirdi.

Ochiq muloqot tarzida o‘tgan uchrashuvda yoshlarning barcha savollariga batafsil javob berildi va ular doimiy e’tiborda ekani ta’kidlandi.