Joqarı oqıw orınları akademiyalıq liceyleri pitkeriwshi basqısh oqıwshılarınıń shet tilin biliw dárejesin anıqlaw ushın ótkeriletuǵın test sınaǵı sáneleri belgilendi.
Test sınaǵınıń jazba (tıńlap túsiniw, oqıw, jazba jumıs) bólimi 28-29-aprel kúnleri, sóylew kónlikpesin bahalaw imtixanları bolsa 17-20- hám 23-25-may kúnleri ótkeriledi.
Test sınaqları barlıq aymaqlarda (Qaraqalpaqstan Respublikası, wálayatlar hám Tashkent qalası) 2 smenada shólkemlestirilip, 1-smena 09:00 de, 2-smena 14:00 de baslanadı.
Talabanlar test sınaǵı ótkeriletuǵın orınǵa test sınaqları baslanıwınan keminde yarım saat aldın shaxsın tastıyıqlawshı hújjet – pasport (ID-karta) penen keliwleri tiyis.
Talabanlar qaysı sánede test sınaǵında qatnasıwı hám test sınaǵı boyınsha maǵlıwmatlardı ózleri bilim alıp atırǵan akademiyalıq liceylerden alıwı múmkin.
Test sınaǵı Ózbekstan Respublikası Prezidentiniń 2020-jıl 3-dekabrdegi «Qábiletli jaslardı tańlap alıw sisteması hám akademiyalıq liceyler iskerligin jetilistiriw is-ilajları haqqında»ǵı PQ-4910 qararı tiykarında biypul shólkemlestiriledi.