2021-yil 25-mart kuni respublika akademik litseylari bitiruvchi bosqich o‘quvchilarining chet tilini bilish darajasini aniqlash imtihonlari boshlandi.

Test sinovlarining yozma (tinglab tushunish, o‘qish, leksik va grammatik kompetensiyalar, yozma ish) qismi 25-26-27-mart kunlari ikki smenada tashkil etiladi hamda Davlat test markazi va akademik litsey binolarida o‘tkaziladi.

Bunda 1-smena 09:00 da, 2-smena 14:00 da boshlanadi. Talabgorlar test sinovi o‘tkaziladigan joyga test sinovi boshlanishidan kamida yarim soat oldin shaxsini tasdiqlovchi hujjat – pasport (ID-karta) bilan kelishlari lozim.

Gapirish ko‘nikmasini baholash imtihonlari esa aprel oyida o‘tkaziladi.

Respublika akademik litseylari bitiruvchi bosqich o‘quvchilarining chet tilini bilish darajasini aniqlash imtihonlari O‘zbekiston Respublikasi Prezidentining “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari to‘g‘risida” 2020-yil 3-dekabrdagi PQ-4910 qaroriga asosan bepul tarzda tashkil etilmoqda.

Davlat test markazi matbuot xizmati