2021-yil 25-26-27-mart kunlari respublika akademik litseylari bitiruvchi bosqich o‘quvchilarining chet tilini bilish darajasini aniqlash imtihonlarining birinchi bosqichi bo‘lib o‘tdi.

Mazkur imtihonlar O‘zbekiston Respublikasi Prezidentining “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari to‘g‘risida” 2020-yil 3-dekabrdagi PQ-4910 qaroriga asosan bepul tarzda o‘tkazildi.

Test sinovlari akademik litseylarning o‘zida ikki smenada tashkil etilib, tinglab tushunish, o‘qish, leksik va grammatik kompetensiyalar hamda yozma ish bo‘limlari bo‘yicha talabgorlarning ko‘nikmalari sinovdan o‘tkazildi.

Unda ishtirok etishi belgilangan 5 730 nafar bitiruvchining 4 676 nafari ishtirok etdi.

Birinchi bosqich test sinovlarida ishtirok etgan bitiruvchilar uchun gapirish ko‘nikmasini baholash imtihonlari aprel oyida o‘tkaziladi.

Davlat test markazi matbuot xizmati