2021-jıl 25, 26, 27-mart kúnleri respublikadaǵı akademiyalıq liceylerdiń pitkeriwshi basqısh oqıwshılarınıń shet tilin biliw dárejesin anıqlaw imtixanlarınıń birinshi basqıshı bolıp ótti.

Bul imtixanlar Ózbekstan Respublikası Prezidentiniń “Intalı jaslardı tańlap alıw sisteması hám akademiyalıq liceylerdiń iskerligin jetilistiriw is ilajları haqqında” 2020-jıl 3-dekabrdegi PQ-4910 qararına tiykarlanıp biypul tárizde ótkerildi.

Test sınaqları akademiyalıq liceylerdiń ózinde eki smenada shólkemlestirilip, tıńlap túsiniw, oqıw, leksikalıq hám grammatikalıq kompetenciyalar hám de jazba jumıs bólimleri boyınsha talabanlardıń kónlikpeleri sınaqtan ótkerildi.

Onda qatnasıwı belgilengen 5 730 pitkeriwshiden 4 676 pitkeriwshi qatnastı.

Birinshi basqısh test sınaqlarında qatnasqan pitkeriwshiler ushın sóylew kónlikpesin bahalaw imtixanları aprel ayında ótkeriledi.

Mámleketlik test orayı xabar xızmeti